31.01.2005    Renkontiĝo de la LKK en Varsovio 

 

La Nova Jaro signifas pli kaj pli da laboro por LKK (Loka Kongresa Komitato), kies tasko estas ĉion antaŭprepari kaj fne organizi la 61an IJKon en Pollando. Kaj kvankam nia LKK estas ne nur interurba, sed ankaŭ parte internacia, kio malfaciligas organizadon de la kunaj renkontiĝoj, ĉion oni povas solvi. Ja ekzistas Interreto kaj komunikiloj, ĉu? Do respondeca pri la programaj aferoj ĝenerale Petro, kiu loĝas en Slovakio, kompreneble ne povas veni ĉiumonate al Varsovio (kvankam laŭ la plano unu-foje dum monato ni planis renkontiĝon de la tuta LKK). Sed la aliaj povas, des pli ke plejmulto loĝas ĉi tie aŭ proksime de la urbo, do la kostoj ne ekzistas aŭ estas vere simboliaj. Esceptoj estas nur Gosia el Krakovo kaj Tobiasz el Poznano.
La unua ĉi-jare renkontiĝo de LKK okazis la lastan tagon de januaro, dimanĉe, kaj kvankam ne ĉiuj povis ĝin partopreni, ni laboris tutan posttagmezon ĝis malfrua vespero. Priparolitaj estis ĝisnunaj atingoj kaj kelkaj necesaj aktualaj temoj, krome planita estis kalendaro de la sekvaj organizaj paŝoj. Sur la angula foto (640-480 / klaku la miniaturon por ĝin pligrandigi), maldekstre: Irmina (la financoj), Lukaso (helpanto por la tema programo), Tomek (la retejo kaj datumbazo), Tobiasz (la vespera – kiu karese turmentas Kisiel'on (la eksteraj rilatoj), Pablo (la tema kaj taga programo), LukiZo (helpanto al Tomek kaj resp. pri foto-servo dum la kongreso), Joanna (la administrado) kaj Irek (la kunordiganto).
Sub la komuna foto oficiala respondo de la pola prezidento, s-ro Aleksander Kwaśniewski, kiu konsentas esti la Honora Patrono de la 61a IJK en Pollando :) La dokumento estas en la pola, do vi povas nur fidi al ni, ke la respondo estas fakte pozitiva :)  

  menuo  ĉefa paĝo

    11 - 14.02.2005    Renkontiĝo de la LKK en Zakopane

 
 
   
Malfacile estis sidi tutan tagon kaj labori kiam malantaŭ la fenestroj regis neĝa vintro kaj suno super la belega montaro. Neĝkovritaj montoj estis tiel proksime, ke kvazaŭ ni povis tuŝi ilin per manoj. Sed ne eblis admiri ilin, bedaŭrinde. 
   
 
  
  
Ĉi-foje ni aperis en Zakopane labori, ne ripozi. Kaj fakte ni tralaboris kelkajn tagojn. La plej ĉefa temo estis la programo de la 61a IJK. Preskaŭ tutan sabaton ni dediĉis prilabori la skizon, elekti kontribuantojn, muzikajn grupojn, priparoli ĉion alian. Petro fervore desegnis niajn ideojn sur granda tabulo, la aliaj laboris sur la paperoj kaj pere de komputilo. Ĵaŭde kaj vendrede ni serĉis proksimajn de la kongresejo pensjonojn, interparolis kun estroj de restauracioj, ktp. Lunde okazis renkontiĝoj kaj interparoloj kun direktoro de la Tatra Nacia Parko (kie okazos ekskursoj kaj prezentadoj), poste kun la urbestro kaj direktoro de Promocia Biureo ĉe la urbodomo. 
  
 
 
   
Renkontiĝis en Zakopane Petro el Slovakio (la programo ĝenerale), 
Tobiasz el Poznano (la vespera), Pablo el Varsovio (la tema kaj taga), Gosia el Krakovo (la ekskursoj), Irmina el Varsovio (la financoj), Janusz el Kielce (la sekretario), Irek el Varsovio (la kunordiganto) kaj Marko el Ĉeĥio (helpanto - kinejo).  

  menuo  ĉefa paĝo

    3.04.2005    Renkontiĝo de la LKK en Varsovio 

 
  
Laboro de LKK ne estas tiel senprolema kaj facila, kiel antaŭe ni pensis. Multaj organizaj aferoj, antaŭpreparoj en la loko, kiu ja estas relative malproksima por ni (nur 400 km), postulas bonan kunordigadon kaj sperton. Tion ni, la teamo kiu unua-foje prenis sur sin tiel grandan taskon, ĵus lernas. 
  
 

Zakopane, la kongresurbo - kiu troviĝas en la suda Pollando en montaro Tatry - vintre konata kiel ĉefurbo de vintraj spotroj de nia lando ĉi-jare prezentos sin en la rolo de somera ĉefurbo de Esperanto! Bonege!!!
Jam 324 personoj aliĝis - informo el 3.04. - laŭvica aliĝanto povas esti ĝuste vi :) 

  menuo  ĉefa paĝo

    8 - 10    Lastaj antaŭpreparoj en Zakopane 

 
 

   
Post monatoj de pli malpli trankvila laboro venis la plej intensa periodo 
de la antaŭpreparoj. LKK jam lastan fojon antaŭ la kongreso renkontiĝis en Zakopane por detale pripensi la organizajn aferojn. Preskaŭ tutan sabaton kaj duonon de dimanĉo ni pasis inter muroj de la lerneja retejo parolante pri la programo, pri la Kongresa Libro, pri organizado de la solena fermo kaj malfermo, kaj pri la teknikaj ebloj de tio ĉio. 
   
   
 
  
La estraro de LKK dum kelkaj horoj analizadis la budĵeton, ĉe okazo la aliaj kunordigadis la programerojn, ankaŭ printis kaj metis en la kovertojn la duan informilon por dissendi ĝin al pli ol 50 partoprenantoj, kiujn ne havas reton. Estis multe da laboro, kiu ankaŭ nun fervore pli daŭras. Ja ĝis la kongreso restis jam pli malpli du semajnoj :) Al Zakopane venis Irek (kunordiganto), Janusz (sekretario), Irmina (kasistino), Petro el Slovakio (kunordiganto de programo), Joanna (administrado), LikiZ (foto-servo), Tomek (retejo), Anjo (helpantino), Lukaso (taga kaj tema programo), Gosia (ekskursoj), Tobiaŝ (vespera programo), Marko el Ĉeĥio (kinejo), Marteno (transporto), krome Vera el Hungario (sperta helpantino ĉe programa kunordigado) kaj Nick el Britio (religia programo). Plezure estis labori (fojfoje batali pri detalaĵoj) en tiom granda kaj internacia teamo. 

  menuo  ĉefa paĝo

    31.07 - 7.08.2005    Kaj... Finfine! :)

 
 
   
Nekredeble! 
Estis plezuro gasti tiom multe da geamikoj en la propra hejmo. Fakte Zakopane iom malproksimas al Varsovio, sed tamen temas pri Pollando – lando meze de Eŭropo, en kiu oni parolas la polan sz cz psz ĵy lingvon, de kiu sur flugiloj de facila vento ja ekblovis en la mondon Esperanto. 
  

  
Dum mia esperantista vivo mi havis sufiĉe da spertoj. Mi estis vic-prezidanto, prezidanto, klubo-fondinto, ĉefo, ĉi-foje denove mi estis gravulo - kunordiganto de LKK. Ne prezidanto tamen mi sentis min en Zakopane sed feliĉa mastro, kiu kun familio de koraj geamikoj preparis ian grandan tablon por akcepti gastojn. Kaj tiun impreson ekde komenco ĝis la fino de IJK mi havis ĝuinte la karan etoson de amikeco. Ĉar kvankam ne ĉion ni sukcesis perfekte organizi ofte pro pli frue neantaŭvideblaj klopodoj, ekz. kun policistoj, ankaŭ pro manko de spertoj, neniu plendis. 
La gastoj, kiuj alvenis nian hejmon ĉiam amike akceptadis la malfaciligojn, ankaŭ volonte kontribuis la organizajn laborojn, eĉ multfoje demandis pri la ebloj helpi. Kortuŝa mi observis tion ĉion. Feliĉa. 
  

  
Dum la IJK-semajno mi havis unikan aventuron ĝui la veran Esperantujon, en kiu unu helpas al la alia, en kiu mankas antaŭjuĝoj, konfliktoj, regas internacie kvazaŭ familia etoso. Kiam do mi devas akcepti la dankojn tiam mi dankas. Akcepti vin ĉiuj en Zakopane estis nepriskribebla plezuro! 

Dankon!  
Irek

  menuo  ĉefa paĝo

    61a IJK    La statistikoj de la kongreso 

    La Patronoj

  Honora Patrono de la 61a IJK 
   ttt Prezidento de Pollando - Aleksander Kwaśniewski
  Patronoj 
   ttt Prezidanto de Swany Co. - Etsuo Miyoshi
   ttt Direktoro de Tatra Nacia Parko - Paweł Skawiński
   ttt Eûropparlamentanino -  Małgorzata Handzlik
   ttt Urbestro de Zakopane - Piotr Bąk
  Amaskomunikilaj Patronoj
   ttt Radio Polonia - la Poreksterlanda Programo de la Pola Radio
   ttt TVP3 Krakow - la Krakova Sekcio de la Pola Televido
   ttt Pabliszer - Sendependa Studenta Revuo
  Honora Kontribuanto
       Jan Skonieczka - la bildkarto  / Zakład Poligraficzno-Wydawniczy
           "Skonpres"- skonpres@poczta.onet.pl 

    Statistike

 

       Partoprenantoj           entute: 456
   
       A-landanoj: 218       viroj: 252       aliĝis: 564
       B-landanoj:   89       virinoj: 204         
       C-landanoj: 149           

 

       Loĝado                      entute: 456

     junulargastejo: 130          amasloĝejo sur lita materaco: 108
     pensiono: 14                    amasloĝejo sur planko: 172
     nenion elektis: 32



  menuo  ĉefa paĝo

   


Prezidento de Pollando
s-ro Aleksander Kwaśniewski




    
Prezidanto de Swany Co.
s-ro Etsuo Miyoshi
   


Eûropparlamentanino
s-ino Małgorzata Handzlik

   

Direktoro de Tatra Nacia Parko
s-ro Paweł Skawiński

 

Urbestro de Zakopane
s-ro Piotr Bąk